Қостанай облыстық "Тың-Целина-2023" спартакиадасы биыл Алтынсарин ауданында болды. Барлық аудан-қалалардан екі мыңға жуық қатысушы спорттың 18 түрінен сайысқа түсті. Олардың ішінде 95-і Лисаковтан. Лисаков қалалық дене шынықтыру және спорт бөлімінің басшысы Жакен Тоқжановтың сөзінше, жарыс 27 шілдеде жеңіл атлетикадан басталды. 4 күн бойы сынға түсіп, қортындысында біздің қаланың құрама командасы жалпы командалық есепте төртінші орыннан көрінген.  Лисаковтықтар финалдық жарыста спорттың 9 түрінен 9 алтын, 14 күміс, 22 қола медалдерді жеңіп алған. Жалпы командалық есепте Қостанай ауданы 3-ші, Рудный қаласы 2-ші орыннан көрінген. Спартакиаданың бас кубогын Қостанай қаласының командасы жеңіп алған. Алдағы жылы "Тың-целина 2024" Қарабалық ауданында болмақ.