Лисаковск жолдарының жалпы ұзындығы 98,2 шақырымды құрайды, 2025 жылғы деректер бойынша жақсы және қанағаттанарлық жағдайдағы жолдардың үлесі 88,8 шақырымды немесе 90,4%-ды құрайды. 2026 жылы Жоғарғы Тобыл көшесінен Өнеркәсіп көшесіне дейінгі аралықта 640 метр ұзындықтағы жол жабынын орташа жөндеуге 65 млн теңге бөлінді.

Сондай-ақ төртінші шағынаудандағы алтыншы және жетінші үйлер маңында ішкі аудандық жолдарды жөндеп, қосымша тұрақ орындарын жасақтау, бесінші шағынаудандағы аула аумағын ішкі аудандық жөндеуден өткізу жоспарланған. Бесінші шағынаудандағы көпқабатты тұрғын үйлерге — алтыншы, сегізінші, тоғызыншы, он бесінші үйлерге және «Дельфинчик» балабақшасына іргелес жатқан жолдарды жөндеу жалғасады, сонымен бірге он бесінші, он алтыншы, он жетінші, он сегізінші үйлер ауласында тұрақ орындарын жабдықтай отырып жолдарды кеңейту жұмыстары жүргізіледі. Жұмыстардың жалпы көлемі 5500 шаршы метрді құрайды.

Осы жылы «Халықтың қатысу бюджеті» бағдарламасы аясында қала жалпы ауданы 5000 шаршы метр болатын қосымша тұрақ орындарына ие болады, бұл мақсатқа 57 млн теңге бөлінген.