Қаладағы әйгілі бұрынғы «ЭКСПО сақинасы» орнында салынып жатқан жаңа арт-нысан қала кәсіпкерлерінің бірлескен бастамасының нәтижесі болды. Оны орнату демеушілік көмек есебінен жүзеге асырылуда — бұл жерде бюджет қаражаты пайдаланылмайды.

Мысалы, темірбетон бұйымдары зауыты негізге арналған бетон конструкцияларын өтеусіз ұсынды, «Дон Мар» ЖШС металл құнын 6 млн теңге көлемінде төледі, «Эксклюзив строй» ЖШС бүкіл конструкцияны өз зауытында құрастырды, ал «Имсталькон» ЖШС тікелей жер учаскесінің өзінде монтаждау жұмыстарын орындады. С. С. Старков ЖК нысанды жарықтандыру бойынша шығындар мен жұмыстарды өз мойнына алады. Қалған бөлігінде сақинаны абаттандыру бюджет есебінен жүргізіледі. Мұнда жаңа жиектастар мен жаяу жүргіншілер жолы пайда болады, оның бір бөлігі арт-нысанның өзі арқылы өтеді. Кеңістікті альпі төбешіктері, рокарийлер, сәндік малтатастар және қабат-қабат отырғызылған көпжылдық өсімдіктер безендіреді. Бұдан бөлек, киіз үйді сәндік жарықтандыру, сақинаны жарықтандыру және автоматты суару қарастырылған.

Ерекше маңыздысы — осы жол сақинасы арқылы өтетін барлық инженерлік желілер соңғы жылдары толығымен ауыстырылды. Енді мұнда жаңа құбырлар орнатылған, олар ондаған жыл бойы қызмет етуге тиіс, ал жаңартылған сақина тұрғындардың көзін күтімді көрінісімен ұзақ уақыт қуантатын болады.

Сондай-ақ, қала әкімі Абай Ибраевтың айтуынша, бюджет есебінен 20 үйге сәндік жарық орнатылады: «Бұл, ең алдымен, негізінен 5, 6, 7 ықшам аудандардағы 9 қабатты үйлер және 3 ықшам аудан. 20 үй жарықтандырылады, көп бөлігі — 11 үй — қала күніне қарай түнде жарық болады. Қалғандары сәл кейінірек. Тамыз айының шамасында бұл композиция мүлдем басқаша көрінеді».

Екатерина Огнева — Юрий Гривко